Panitia Kongres Basa Jawi V ing Surabaya wiwit nampi pendaftaran peserta/pemakalah. Menawi panjenengan ngersakaken ngestreni, katuran ngisi formulir ing kantor Sekretariat Panitia, Taman Budaya Jawa Timur, Jl. Gentengkali 85 Surabaya (telp 031-5342128) wanci dinten/jam kerja
Tanggal 7 ngantos 9 Oktober 2009 manggen wonten HOTEL SATELIT Jl. Mayjen Sungkono No. 139 Surabaya kawontenaken Rapat Koordinasi dan Singkronisasi Pelestarian Sastra Daerah dan Bahasa Jawa Menyongsong KONGGRES BAHASA JAWA KE 5 ingkang dipunrawuhi para undangan saking akademisi,praktisi,pengarang saha pemerhati Sastra Daerah saha Basa Jawa saking kabupaten-kabupaten saindenging Jawa Timur.
Yayasan Kebudayaan “Rancage” kang kantor pusate ing Jl. Rawabambu No. 38 Pasarminggu Jakarta, lan kang dipandhegani dening sastrawan Ayip Rosidi, taun 2006 iki aweh pangaji-aji lan bebungah maneh marang sastrawan Sunda, Jawa lan Bali. Kaya sing uwis-uwis pangaji-aji lan bebungah diwenehake marang sastrawan kang kasil ngasilake karya sastra wujud buku lan sastrawan kang kapiji gedhe lelabuhane tumrap ngrembakane basa lan sastra dhaerah Sundha, Jawa lan Bali. Sok ngonoa, bebungah Rancage taun 2006 iki klebu rambahan kaping 18 sing ditampa dening sastrawan Sunda, kaping 13 dening sastrawan Jawa lan kaping 9 dening sastrawan Bali.
