Sanggar sastra TRIWIDA digawe mongkok dening anggotane kang ing tahun 2010 iki kasil antuk Hadhiah Rancage. Anggota mau ora liya ya Sumono Sandy Asmara kang wis njajah Surabaya Milang Jakarta anggone ngguleti sastra Jawa. Diwiwiti nalika isih ngangsu kawruh ana IKIP Negeri Surabaya ( saiki UNESA) Jurusan Basa Daerah wis wiwit ajar nulis ana kalawarti basa Jawa, nganti nalika lulus nate nyambut gawe ana majalah basa Jawa DAMARJATI kang manggon ing Jakarta.