DITILANG

Paijo ditilang dening pak polisi :
"Napa salah kula Pak? Kula mpun ngangge helm, ngangge jaket, gadhah SIM, STNK nggih mbeta, kok kula ditilang ?”
Polisi mangsuli kanthi enteng :
"Mumet aku ndelok kowe… mosok muter2 nganggo jaket karo helman nanging gak numpak montor”

DOLANAN HP

Nalika malem Jum’at Kliwon, juru kunci kuburan weruh wong wadon lagi dolanan HP neng ndhuwur undhuk-undhukan lemah kuburan. Juru kunci kuburan langsung srengen:
"Mbak, bengi-bengi ngene kok dolanan hape nang ndhuwur kuburan?”
Wong wadon mau mangsuli "Nggih pak, lha teng nglebet kuburan mboten wonten sinyal ta Pak…”

ENTENANA SESUK

Ana nom-noman ing ngarep omahe mbah dhukun:
"Mbah tulung njenengan bantu manggihaken dompet kula ingkang ical wau siang,” panjaluke nom-noman kuwi marang mbah dhukun kang kawentar bisa nemokake barang-barang ilang.
"Entenana sesuk ae, Le,” wangsulane si mbah dhukun.
"Ngentosi mbenjing dospundi ta mbah, isi dompet kula niku wonten arta, SIM, kartu kredit, kalih surat-surat penting!” pandeseke nom-noman kuwi.
"Aku ra isa nemokake dompetmu nek kunci kamar praktekku sing ilang wiwit wingi durung ketemu.”