Nama Asli : Edy Santosa,S.Pd
Nama Samaran : Fadjar A.Hidayat,Fadjar Aditiya HIdayat, Angin Narita Hidayat,Eddy Rinawengi Laraati, Edy S Triwida
Pengalaman Menulis :
Menulis cerpen, artikel , puisi, cerita rakyat di beberapa media, seperti : Jaya Baya, Panjebar Semangat, Mentari, Surabaya Post, Surya Anak, Misteri, Jelita, Tilik Desa, dan Hoplaa.
Pernah juara harapan II Lomba Mengarang Dongeng Majalah Bobo 2004.
Telah menulis 10 buku Cerita Rakyat dari wilayah Jawa Timur yang diterbitkan oleh Penerbit PT. Grasindo :
1. Cerita Rakyat dari Jember ( bersama Deny Wibisono )
2. Cerita Rakyat dari Ponorogo
3. Cerita Rakyat dari Tulungagung
4. Cerita Rakyat dari Mojokerto
5. Cerita Rakyat dari Kediri ( bersama Oemaryanto )
6. Cerita Rakyat dari Pacitan ( bersama Tony Ismoyo )
7. Cerita Rakyat dari Blitar ( bersama Sunarko Budiman )
8. Cerita Rakyat dari Jawa Timur 2
9. Cerita Rakyat dari Tuban
10. Cerita Rakyat dari Trenggalek ( bersama Jarot Setyono)
CONTOH KARYA GEGURITAN:
Fadjar @ Hidayat :
EKSPEDISI ATI
Layar sun kang wus rowak-rawek
Ketrajang angin panggodha
Tetep sun pasang
Ing prau ati sun kang tansah lelayar
Nut lakuning srengenge nggliwar
Panyempyoking ombak mung pangujiMu
Nantang tatag ati sun
Nglari tlacak tumuju tlatah pangayomMu
Pulo mbaka pulo
Supitan mbaka supitan
Prau sun liwat ngendhani ombak gedhe
Ngendhani pambujunge prahara
Sun ora ngerti
Kapan prau ati sun labuh
Mbuwang jangkar dedosa
Sumendhe ing dermagaMu
Trenggalek, 3wida 905
(JB, No.15, Minggu II, Desember 2005)==============================
Fadjar @ Hidayat :
KEBLAT
keblat isih kebak malekat
iwut nyathethi praupan-praupan ihklas
nrima wajib kang dadi prentah-E
ora kawilang dzikir dikidungake
ngruwaat angin
ngruwat jaman
ngruwat bumi saisine
katon prau-prau jiwa lelayaran
ing jembare segara iman
pesisire resik
papan labuhe raga-raga sumendhe
mapag tumibane srengenge
ing keblat-E
ora ana rasa was sumelang
nalika kudu pancadan watu-watu karang
ngranggeh tawadu’
najan durung gaduk
keblat isih kebak malaekat
nyawang anggon kita lelayaran
anut padhange sapletik cahyane diyan
kasuwargan
Jember, Pebruari 2004
Jaya Baya No.30/Minggu IV-Maret 2004 ============================
Fadjar A. Hidayat :
SUN KEKALANG
sun kekalang
ngambah jembaring ara-ara mangsa
nyawang sakeh prastawa endah anggegodha
sun sangu janji
binundhel jroning ati
minangka prasasti
nora bisa den owahi
sun tumitah
ing dhadha sun wus tumatah :
arah sun manembah
sapa sun pepundhi
kitab sun ugemi
keyakinan sun lakoni
sun mung sawiji lebu
kekalang golek pancikan
sapa ngerti dadi watu
kanggo mikukuhi tembok kraton-E
Trenggalek, September ‘05
(JB No.07/Minggu III/Oktober 2005)
